القصيدهـ مثل سحابة صيف ، مالها موعد محدد و لا تستأذن قبل القدوم ^ ^
قبل فترة كنت أتصفح الصوّر و جيت عند هالصورة و كأني أشوف شي معين
في الحقيقه ناسي وش كنت أشوف بس طرت على بالي كلمة : شفتها
و ابتديت القصيدهـ و إنتهيتها بـ هـ الكلمة و اخترتها عنوان ♥
شفتها و الشاهد الله شوفها يشفي الجراح
يمتلي قلب فرح و سرور لا من شفتها
كامله و الكامل الله وصفها مثل الصباح
أشهد إنّي يا عرب مجنون لا من عفتها
أفتدي روحي و دمي في هواها مستباح
و أعترف و الشاهد الله و الحقيقه قلتها
إنّي أهواها كثر ماغرّد القمري* و ناح
هي حبيبة قلب مانع فوق راسي شلتها
يشهد الله دونها ماشفت للصدر إنشراح
و يشهد الله راحتي جتني بعد ما نلتها
و يشهد الله كلّما صدّت ، ضميري مـ استراح
كنّي اللي عاشت الاحزان فيني و عشتها
بـ شوفها يبرى الخفوق و أرتوي العذب القراح*
و المآسي في طريقي كل أبوها دستها
شفتها يا صاح مثل الطير كفّاخ الجناح
و هالقصيدة إبتدت فـ اللحظه اللي شفتها
أتمنى تحوز على رضاكم و تصل لـ مستوى ذائقتكم و لا تحرموني آرائكم ♥
القمري = طائر جميل المنظر ذو صوت موسيقي عذب
العذب القراح = الماء شديد العذوبة
